Shaıbaly hokkeı: «Barys» ekinshi oıynda da jeńiske jetti
NUR-SULTAN. QazAqparat - Búgin elordada shaıbaly hokkeıden Qazaqstan Prezıdenti Kýbogynyń ekinshi oıyn kúni máresine jetti. Elordalyq «Barys» Reseıdiń «Neftehımık» komandasymen kezdesti, dep habarlaıdy QazAqparat tilshisi.
Bul kezdesýde reseılik hokkeıshiler alǵashqy bolyp esep ashty. Oıynnyń nebári 23-sekýndynda Zak Mıtchel óz komandasyn alǵa shyǵardy. Al 9-mınýtta «Neftehımık» sapynan Pavel Porıadın esepti ústemeleı tústi.
Sodan keıin ǵana «Barys» jigitteri es jıdy. Nátıjesinde 13-mınýtta elordalyq hokkeıshi Nıkıta Mıhaılıs esep aıyrmasyn qysqartty. Ekinshi kezeńniń 24-mınýtta «Neftehımık» hokkeıshisi Aleksandr Avtsın mergendik tanytty. Osylaısha reseılikter kezdesý barysynda 3:1 esebimen alǵa shyqty.
«Barys» hokkeıshileri budan keıin qatarynan úsh shaıba soqty. Aldymen 35-mınýtta ıAroslav Evdokımov, odan keıin Dastın Boıd 38-mınýtta qarsylastar qaqpasyn dál kózdedi.
Úshinshi kezeńniń 47-mınýtynda Dastın Boıd búgingi kezdesýde alǵash ret óz komandasyn alǵa shyǵardy. Al kezdesýdiń bitýine nebári 14 sekýnd qalǵanda «Barys» qatarynan Nıkıta Kleşenko bos qaqpaǵa shaıba soǵyp ketti.
Esterińizge sala ketelik, keshe «Barys» Reseıdiń «Ak bars» komandasyn 6:1 esebimen jeńgen bolatyn.
Erteń «Ak Bars» jáne «Neftehımık», «Salavat ıÝlaev» pen «Avtomoıbılıst» komandalary kezdesedi. Al «Barys» 10 tamyzda «Avtomobılıst» komandasymen muz aıdynyna shyǵady.
Foto: www.hcbarys.kz
