Shaıbaly hokkeı: «Barys» «Aq Barsty» oısyrata jeńdi
NUR-SULTAN. QazAqparat - Búgin elordada shaıbaly hokkeıden Qazaqstan Prezıdenti kýbogy oıyndary bastaldy. Elordalyq «Barys» alǵashqy kezdesýde Reseıdiń «Aq Bars» (Qazan) komandasyn iri eseppen jeńdi, dep habarlaıdy QazAqparat tilshisi.
Kezdesý barysynda alǵashqy shaıbany «Barys» sapynan 7-mınýtta Nıkıta Mıhaılıs soqty. Al 11-mınýtta qazandyq klýb qatarynan Mett Frettın tarazy basyn teńestirdi. Esterińizge sala ketelik, ol bıyl «Barys» sapynan «Aq Barsqa» aýysqan edi. Al 16-mınýtta Kırıll Panıýkov bir shaıba soǵyp, elordalyq klýbty alǵa shyǵardy. Al 18-mınýtta «Barys» qataryna bıyl qosylǵan kanadalyq Adam Helevka esepti ústemeleı tústi.
Ekinshi kezeńde de bizdiń komanda basym oınady. Aldymen 28-mınýtta Dastın Boıd mergendik tanytsa, 31-mınýtta Darren Dıts qarsylastar qaqpasynan sańylaý tapty. Oıyn sońyna taman Batyrlan Muratov óziniń tusaýkeser oıynyndaǵy tuńǵysh golyn soǵyp ketti. Nátıjesinde búgingi kezdesýde «Barys» komandasy «Aq Barsty» 6:1 esebimen jeńdi.
Sondaı-aq, búgin Qazaqstan Prezıdenti kýbogynda taǵy bir kezdesý ótkizildi. Reseıdiń qos komandasy - Ekaterınbýrgtiń «Avtomobılıst» komandasy Nıjnekamskiniń «Neftehımık» komandasyn 5:1 esebimen tize búktirdi.
Erteń, 8 tamyzda «Barys» «Neftehımıkpen» oınasa, «Aq Bars» pen «Salavat ıÝlaev» (Ýfa) komandalary kezdesedi.
Qazaqstan Prezıdenti kýbogy oıyndary 8-11 tamyz aralyǵynda ótkiziledi. Jarysqa barlyǵy bes komanda qatysýda
