Shaıbaly hokkeı: Álem chempıonatynda Álıhan Ásetov Qazaqstan quramasynyń kapıtany bolady
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda Qazaqstan quramasy kapıtany mindetin Álıhan Ásetov atqaratyn boldy, dep habarlaıdy QazAqparat tilshisi.
Á.Ásetov 1996 jyldyń 26 tamyzynda Óskemen qalasynda dúnıege kelgen. Elordalyq «Barys» komandasynda 2018 jyldan beri turaqty túrde oıyn kórsetip keledi. Ulttyq qurama sapynda 2017 jyldan beri el namysyn qorǵap júr.
Álem chempıonatynda Roman Starchenko men Darren Dıts vıtse-kapıtan mindetin atqarady.
Esterińizge sala ketelik, álem chempıonaty Lıtvada 21 mamyr jáne 6 maýsym aralyǵynda ótkiziledi. Qazaqstandyq hokkeıshiler V tobynda Kanada, Fınlıandııa, AQSh, Germanııa, Norvegııa, Italııa jáne Latvııa quramalarymen sheberlik baıqasady.
Al A tobynda Shvetsııa, Chehııa, Shveıtsarııa, Slovakııa, Danııa, Belarýs, Ulybrıtanııa jáne Reseı bar.
Qazaqstan hokkeıshileri álemniń úzdik quramalarymen birge bes jyldyq úzilisten keıin synǵa túskeli otyr. Sońǵy ret 2016 jyly elıtalyq dıvızıonda muz aıdynǵa shyqty.
