Shaıbaly hokkeıden Qazaqstan jasóspirim qyzdar quramasy álem chempıonatyna qatysady

Shaıbaly hokkeıden 18 jasqa deıingi Qazaqstan jasóspirim qyzdar quramasy álem chempıonatyna qatysady. Bıyl el quramasy ekinshi dıvızıonnyń A tobynda synǵa túsedi, dep habarlaıdy Kazinform.

Bul oıynda 2024 jyldyń 15-21 qańtary aralyǵynda Nıderlandta ótedi dep josparlanyp otyr. Byltyr qyzdar V tobynda birinshi oryn ıemdenip, A tobyna joldama alǵan edi.

Búginde qazaqstandyq hokkeıshiler Óskemende ekinshi oqý-jattyǵý jıynyn ótkizip jatyr. Al tamyz aıynda ótken alǵashqy kezeńinde jalpy jáne arnaıy fızıkalyq daıyndyqqa nazar aýdaryldy.

Oqý-jattyǵý jıyny barysynda «Torpedo-2011» jáne «Torpedo-2010» komandalarymen joldastyq kezdesý ótkiziledi.

Qorytyndy daıyndyq kezeńi álemdik birinshiligi qarsańynda, 4 qańtarda bastalady dep kútilýde. Naqy qurama sol ýaqytta belgili bolady.

Úmitkerlerdiń keńeıtilgen tizimi jarııalandy. Oǵan 28 hokkeıshi engizilgen. Olardyń 3-i qaqpashy bolsa, qalǵany ózge shepte oınaıtyn hokkeıshiler.

Úmitkerlerdiń keńeıtilgen tizimi:

Qaqpashylar: Veronıka Ageeva («Torpedo», Óskemen), Erkenaz Kópjasarova («Strıjı», Almaty), Arına Pavlovskaıa («Aqtóbe-2009»/«Juldyz»)

Qorǵaýshylar: Medına Kıshekeeva («Aqtóbe-2008/«Juldyz»), Zere Tilesh, Veronıka Halıkova (barlyǵy – «Juldyz», Almaty), Ýlıana Kýklına, Nuraıym Serikqyzy, Darıa Hohlova, Polına ıAkovleva (barlyǵy – «Torpedo», Óskemen), Zeınab Mels («Bulbul», Astana)

Shabýylshylar: Karına Ámirova, Evelına Emtseva, Regına Kakaýlına, Sofııa Rakovskaıa, Sholpan Toqqoja, Anastasııa Fılımonova (barlyǵy – «Juldyz», Almaty), Alına Jakýlına, Anna Klımova, Renata Lıvshıts, Zlata Fılıchkına («ıÝnost-Gratsııa», Qaraǵandy), Malıka Júnisova, Sofııa Zýbkova, Kıra Krýholskaıa, Vetta Pıven, Aıdana Rahatqyzy, Zlatotsveta Feoktıstova (barlyǵy – «Torpedo», Óskemen), Aısha Mels («Tomırıs», Astana).

Eske salsaq, budan buryn «Nomadtyń» shaıbaly hokkeıden Qurlyq kýbogy fınalyndaǵy qarsylastary anyqtaldy.