Shaıbaly hokkeıden Qazaqstan ulttyq quramasyna bas bapker taǵaıyndaldy
Ǵalym Mámbetálıev 2023-2024 jylǵy maýsymda shaıbaly hokkeıden Qazaqstan ulttyq quramasynyń bas bapkeri qyzmetin atqarady, dep habarlaıdy QazAqparat tilshisi.
Bul sheshim Qazaqstan hokkeı federatsııasynyń konferentsııasy otyrysynda qabyldandy.
Ǵalym Mámbetálıev 1965 jyly Qaraǵandy oblysy Temirtaý qalasynda dúnıege kelgen. 1980-2002 jyldarda qazaqstandyq jáne Reseıdiń «Mostovık» komandalarynda oınady.
2002 jyldan beri bapkerlikpen aınalysyp keledi. 2017 jyly álem chempıonatynda (1A) Qazaqstan quramasyn jattyqtyrǵan edi. Sondaı-aq qysqy ýnıversıadada Qazaqstan stýdentter quramasymen birge qola júldege qol jetkizdi.
Ǵ.Mámbetálıev ótken maýsymnyń qorytyndysy boıynsha Pro Hokei Ligasy chempıony atanǵan astanalyq «Nomad» klýbynyń bas bapkeri boldy.
Bıyl ulttyq qurama tizginin ustap, qazaqstandyq hokkeıshiler top-dıvızıondaǵy ornyn saqtap qaldy.
Sondaı-aq Qazaqstan hokkeı federatsııasynyń konferentsııasynda ózge de jas ereksheligi boıynsha qurama bapkerleri taǵaıyndaldy. Elimizdiń 20 jasqa deıingi jastar quramasyna Sergeı Starygın jetekshilik etse, 18 jasqa deıingi jasóspirimder quramasyna Georgıı Vereşagın bas bapker bolady.