Shaıbaly hokkeıden Qazaqstan quramasynyń bapkerler quramy belgili boldy

ASTANA. KAZINFORM – Shaıbaly hokkeıden Qazaqstan olımpıadalyq quramasyn QR Prezıdenti kýbogyna daıyndaıtyn bapkerler quramy belgili boldy.

Qurama 2026 jylǵy qysqy Olımpıadaǵa irikteý kezeńine daıyndyq barysynda 14-18 tamyz aralyǵynda QR Prezıdenti kýbogine qatysady. Bul týrnırde qazaqstandyq «Barys», reseılik «Lada» (Tolıattı) jáne «Amýr» (Habarovsk) komandalary synǵa túsedi.

Týrnırde bas bapker qyzmetin Oleg Bolıakın atqarady. Oǵan Georgıı Vereşagın, Talǵat Jaılaýov, Pavel Bessonov kómekshilik jasaıdy.

Eske salsaq, fınaldyq olımpıadalyq irikteý oıyndary Slovakııanyń Bratıslava qalasynda 29 tamyz-1 qyrkúıek aralyǵynda ótedi.

Fınaldyq irikteý kezeńi aıasynda shaıbaly hokkeıden Qazaqstan quramasy Avstrııa, Vengrııa jáne Slovakııa quramalarymen kezdesedi.