Shaıbaly hokkeıden Qazaqstan quramasy Azııa chempıonatyn sátti bastady

ASTANA. KAZINFORM - Shaıbaly hokkeıden Qazaqstan quramasy Qytaıda ótip jatqan Azııa chempıonatyn sátti bastady.

Alǵashqy kezdesýinde otandastarymyz Ońtústik Koreıada 4:2 esebimen basym tústi. Qurama sapynan Ivan Stepanenko het-trık avtory atansa, kapıtan Roman Starchenko bir márte kózge tústi.

Endi qazaqstandyq hokkeıshiler 22 qarashada Qytaımen kezdesse, odan keıin 23 qarashada Japonııamen muzaıdynǵa shyǵady.

Qurlyqtyq básekede Qazaqstan quramasy jańa bapkerler shtabymen baq synap jatyr. Ulttyq quramanyń bas bapkeri qyzmetine Qazaqstan hokkeıiniń ańyz oıynshylarynyń biri Talǵat Jaılaýov taǵaıyndaldy.

Qazaqstan quramasy

Qaqpashylar: Roman Kalmykov («Nomad»), Anton Osokın («Qulager»), Vladıslav Pestov («Torpedo»); 

Qorǵaýshylar: Stepan Aleksandrov, Vladımır Grebenşıkov ( «Torpedo»), Danıl Býtenko, Madı Dıhanbek, Kırıll Nıkıtın («Nomad»), Edýard Mıhaılov, Ivan Stepanenko («Saryarqa»), Beıbarys Orazov («Barys»).

Shabýylshylar: Oleg Boıko, Artýr Gatııatov, Dıas Gýseınov, Saıan Danııar, Aleksandr Mıgýnov (vse - «Nomad»), Aleksandr Borısevıch, Artem Lıhotnıkov ( «Saryarqa»), Maksım Mýsorov («Torpedo»), Roman Starchenko, Kırıll Lıapýnov, Batyrlan Muratov ( «Barys»), Denıs Chaporov («Arlan»); 

Aıta ketsek, 2024 jyly alǵash ret uıymdastyrylǵan erler arasyndaǵy Azııa chempıonatynda Qazaqstan quramasy Almatyda top jarǵan edi.