Shaıbaly hokkeıden Qazaqstan quramasy 2026 jyly álem chempıonatynda qaıda oınaıdy

ASTANA. KAZINFORM - Shaıbaly hokkeıden Qazaqstan quramasy qatysatyn 2026 jylǵy álem chempıonaty birinshi dıvızıonynda A tobyndaǵy oıyndardyń qaıda ótetini belgili boldy.

Jarystyń atalǵan kezeńi sol jyldyń 2-8 mamyr aralyǵynda Polshanyń Sosnovets qalasynda ótedi. Qazaqstan quramasynyń qarsylastary - Frantsııa, Ýkraına, Japonııa, Polsha jáne Lıtva. 

Atalǵan topta birinshi oryn alǵan qurama 2027 jyly elıtalyq dıvızıonda baq synaýǵa múmkiindik alsa, sońǵy oryndy mise tutqan qurama V tobyna túsip qalady.

Álem chempıonatynda Qazaqstan quramasy V tobynda oınady. Oıyndar Danııanyń Hernıng qalasynda boldy.

Qazaqstan quramasy bıylǵy álem birinshiligin sátsiz ótkizdi. Jeti kezdesýdiń bireýinde basym tússe, beseýinde qarsylasyna ese jiberip qoıdy.

Saldarynan birinshi lıgaǵa túsip qaldy. oǵan deıin bes jyl qatarynan elıtalyq dıvızıonda byq synaýǵa múmkindik alǵan edi.

Aldymen Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8), AQSh-qa (1:6), Shveıtsarııaǵa (1:4) ese jiberdi.

El quramasy dúbirli dodaǵa bıyl 13 márte qatysyp otyr. Ázirge eń joǵary kórsetkishi - 2021 jylǵy onynshy oryn.