Shaıbaly hokkeıden Qazaqstan kýbogyn «Saryarqa» sátti bastady

ASTANA. KAZINFORM — Shaıbaly hokkeıden Qazaqstan kýbogynyń alǵashqy oıyn kúniniń nátıjesi belgili boldy.

Bıyl atalǵan týrnırge 11 klýb qatysady. Olar ótken maýsymdaǵy reıtıng boıynsha eki topqa bólingen. 

Al A tobynda qaraǵandylyq «Saryarqa» rýdnyılyq «Gornıakty» 6:0, kókshetaýlyq «Arlan» atyraýlyq «Beıbarysty» 3:1 esebimen tize búktirdi.
V tobynda petropavldyq «Qulager» «Almatyny» 6:1, óskemendik «Torpedo» «Aqtóbeni» 4:2 esebimen tize búktirdi.

Toptyq kezeńde Óskemen jáne Qaraǵandy qalalarynda sheberlik baıqasady. Toptyq kezeńnen keıin jartylaı fınal oıyndary jalǵasady. Onda topta birinshi oryn alǵan komandalar ekinshi toptaǵy ekinshi oryndaǵy ujymdarmen fınal joldamasyn sarapqa salady. Sheshýshi oıyndar Qaraǵandy qalasynda ótedi.

Ótken jyly atalǵan trofeıge kókshetaýlyq «Arlan» komandasy qol jetkizdi. Olar fınalda rýdnyılyq «Gornıakty» 3:1 esebimen tize búktirdi.

Eske salsaq, elordalyq «Barys» komandasynyń Qurlyqtyq hokkeı lıgasy 2025-2026 jylǵy jańa maýsymyn qashan bastaıtyny belgili boldy.

Qazaqstandyq klýb jańa maýsymda alǵashqy úsh oıynda elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady.