Shaıbaly hokkeıden Qazaqstan Kýbogy qashan ótedi
ASTANA. KAZINFORM - Shaıbaly hokkeıden Qazaqstan Kýbogynyń toptyq quramy men matchtar kúntizbesi belgili boldy.
Bıyl bedeldi júlde úshin 10 komanda baq synaıdy. Ótken maýsymnyń reıtıngine sáıkes olar eki topqa bólindi.
Óskemende ótetin A tobynda eldiń qazirgi chempıony – Astananyń «Nomad» komandasy, jergilikti «Torpedo», Kókshetaýdyń «Arlan», «Almaty» jáne «Aqtóbe» komandalary óner kórsetedi.
Matchtary Qaraǵandyda ótetin V tobyna «Saryarqa», Petropavldyń «Qulager», Rýdnyıdyń «Gornıak», Atyraýdyń «Beıbarys» jáne Pavlodardyń «Ertis» komandalary endi.
Aldyn ala kezeńniń kezdesýleri 14–19 tamyz aralyǵynda ótedi. Odan keıin pleı-off kezeńinde jartylaı fınaldar uıymdastyrylady (top jeńimpazdary parallel topta ekinshi oryn alǵan komandalarmen kezdesedi) jáne fınaldyq match ótedi. Sheshýshi oıyndar 22–23 tamyz kúnderi Qaraǵandyda uıymdastyrylady.
Eske salsaq, Qazaqstan Kýboginiń qazirgi ıegeri – «Torpedo» komandasy.
Eske salsaq, budan buryn astanalyq «Barys» Qurlyqtyq hokkeı lıgasyndaǵy 2026/2027 jylǵy maýsymda alǵashqy oıynyn qashan ótkizetini belgili boldy.
Qazaqstandyq komanda jańa maýsymdy elordadaǵy oıyndar serııasymen bastaıdy. Olar reseılik klýbtarmen qatarynan úsh match ótkizedi.
Aldymen elordalyq klýb 7 qyrkúıekte «Sıbır» (Novosibir) komandasymen kezdesse, odan keıin «Salavat ıÝlaev» (Ýfa) jáne «Amýr» (Habarovsk) klýbtarymen sheberlik baıqasady.
