Shaıbaly hokkeıden Qazaqstan chempıonaty fınalyna kimder shyqty
ASTANA. KAZINFORM — Shaıbaly hokkeıden Qazaqstan chempıonatynyń pleı-off kezeńi fınalyna shyqqan komandalar belgili boldy.
Mundaı múmkindikke aldymen qaraǵandylyq «Saryarqa» qol jetkizdi. Olar jartylaı fınalda óskemendik «Torpedony» jalpy serııada 4:1 esebimen tize búktirdi.
Jartylaı fınaldaǵy taǵy bir báseke astanalyq «Nomad» Petropavldyń «Kulagerin» (serııa esebi 4:1) orta jolda qaldyrdy.
Shaıbaly hokkeıden Qazaqstan chempıonaty 1992 jyldan beri turaqty túrde ótkizilip keledi.
Qazirge deıin «Torpedo» — 13, «Beıbarys», «Saryarqa», «Arlan» — 3, astanalyq «Barys» pen «Nomad» — 2, sátpaevtyq «Qazaqmys» pen temirtaýlyq «Bolat» — 1 márteden chempıondyq ataqqa qol jetkizdi.
«Saryarqa» sońǵy ret 2022 jyly jeńimpaz atansa, «Nomad» 2023 jyly osyndaı jeńis tuǵyryna kóterildi.
Shaıbaly hokkeıden Qazaqstan áıelder quramasy B dıvızıonyndaǵy álem chempıonatyna daıyndyǵyn Almaty qalasynda ótkizedi. Bul jóninde Qazaqstan hokkeı federatsııasy málim etti.
Otandastarymyz Almatyda QR Týrızm jáne sport mınıstrligi Sport jáne dene shynyqtyrý isteri komıtetiniń Olımpıadalyq daıarlaý ortalyǵy bazasynda oqý-jattyǵý jıynyn júrgizedi.
Jıynǵa barlyq úmitker shaqyryldy. Olardyń ishinde áıelder men jasóspirimder quramalarynyń oıynshylary bar.
