Shaıbaly hokkeıden Qazaqstan áıelder quramasy álem chempıonatynda úzdik úshtikke endi
ASTANA. KAZINFORM - Ispanııanyń Pýchserda qalasynda 12–18 sáýir aralyǵynda áıelder arasyndaǵy shaıbaly hokkeıden álem chempıonatynyń IB dıvızıony ótti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Atalǵan dodada Qazaqstan Ulttyq quramasy sátti óner kórsetip, týrnır qorytyndysy boıynsha úshinshi oryndy ıelendi.
Qazaqstandyq hokkeıshiler jarys barysynda bes kezdesý ótkizdi. Alǵashqy oıynda Latvııa quramasyna býllıtter serııasynda 2:3 esebimen jol berdi. Odan keıin Nıderlandyǵa 0:3 esebimen ese jiberdi. Úshinshi matchta otandastarymyz Ispanııany 3:2 esebimen jeńip, mańyzdy upaı enshiledi. Kelesi kezdesýde Ońtústik Koreıany tartysty oıynda 4:3 esebimen utty. Sońǵy týrda Ulybrıtanııa quramasymen kezdesip, 1:3 esebimen jeńildi.
Týrnır qorytyndysy boıynsha birinshi oryndy Nıderlandy ıelense, ekinshi oryn Ulybrıtanııa quramasyna buıyrdy. Qazaqstan quramasy úzdik úshtikti túıindedi. Tórtinshi orynǵa Ońtústik Koreıa jaıǵassa, Latvııa besinshi, al Ispanııa altynshy orynnan kórindi.
Osyǵan deıin Shaıbaly hokkeıden Qazaqstan jasóspirimder quramasy IA dıvızıondaǵy ekinshi oıynyn Polshaǵa qarsy ótkizetini týraly jazdyq.
