Shaıbaly hokkeıden áıelder arasyndaǵy Azııa chempıonaty ótedi

ASTANA. KAZINFORM — Shaıbaly hokkeıden áıelder arasyndaǵy Azııa chempıonatynyń oıyn kestesi belgili boldy.

Qurlyqtyq doda 31 qazan men 3 qarasha aralyǵynda Qytaı astanasy Beıjiń qalasynda ótedi. Qazaqstan quramasynyń qarsylastary — Qytaı, Ońtústik Koreıa jáne Japonııa. 

Týrnır bastalardan buryn el quramasy qysqa merzimdi oqý-jattyǵý jıynyn ótkizedi. Oǵan qosa 27 qazanda Qytaımen joldastyq kezdesýde daıyndyǵyn pysyqtaı túsedi.

Qazaqstan quramasynyń oıyn kestesi:

31.10.2024, 16:30 — Qytaı — Qazaqstan
01.11.2024, 13:00 — Japonııa — Qazaqstan
02.11.2024, 13:00 — Qazaqstan — Ońtústik Koreıa

Aıta ketsek, áıelder arasyndaǵy qurlyqtyq dodaǵa qatysatyn quramalardyń barlyǵy osal emes. Máselen, Japonııa álem chempıonatynda top-dıvızıonda oıyn kórsetse, Qytaı birinshi dıvızıonnyń A tobynda, Ońtústik Koreıa bizdiń quramamen birge birinshi dıvızıonnyń B tobynda oınaıdy.

Eske salsaq, budan buryn «Barys» ekinshi oıyn qatarynan jeńiske jetti.