20:50, 06 Qańtar 2024 | GMT +6

Shaıbaly hokkeıden ÁCh: Qazaqstan jastar quramasynyń yqtımal qarsylastary anyqtaldy

Шайбалы хоккейден ӘЧ: Қазақстан жастар құрамасының ықтимал қарсыластары анықталды — Фото: Туризм және спорт министрлігі

Shaıbaly hokkeıden jastar arasyndaǵy 2025 jylǵy álem chempıonatynda Qazaqstan quramasynyń yqtımal qarsylastary anyqtaldy, dep habarlaıdy Kazinform.

Búgin, 6 qańtarda jastar arasyndaǵy 2024 jylǵy álem chempıonaty fınalynda AQSh quramasy Shvetsııany 6:2 esebimen tize búktirdi.

Týrnır aıaqtalǵannan keıin aldaǵy 2025 jylǵy álem chempıonatyndaǵy toptardyń yqtımal quramy belgili boldy. Toptardyń quramy IIHF reıtıngi boıynsha jasalmaıdy. Onda sońǵy álem chempıonatynda quramalardyń ornalasý deńgeıi boıynsha toptarǵa bólý kózdelgen.

Qazaqstan jastar quramasy V tobynda Shvetsııa, Chehııa, Slovakııa jáne Shveıtsarııa quramalary oınaýy múmkin.

Al A tobynda AQSh, Fınlıandııa, Kanada, Latvııa, Germanııa oınaıdy degen boljam bar.

Jastar arasyndaǵy 2025 jylǵy álem chempıonaty 2024 jylǵy 26 jeltoqsan men 2025 jyldyń 5 qańtary aralyǵynda Kanada astanasy Ottava qalasynda ótkiziledi dep josparlanyp otyr.

V tobyndaǵy oıyndar «Ottava 67» stadıonynda bolsa, A tobyndaǵy quramalar «Ottavy Senatorz» arenasynda ótedi.

Eske salsaq, 2023 jyldyń aqpan aıynda shaıbaly hokkeıden jastar arasyndaǵy IA dıvızıonynyń álem chempıonatynda Qazaqstan quramasy top-dıvızıonynda baq synaýǵa múmkindik aldy.

Tegter:

Словакия Чехия Хоккей АҚШ әлем чемпионаты Спорт Жастар

Сейчас читают