Shaıbaly hokkeıden ÁCh: Qazaqstan jastar quramasy Slovakııaǵa ese jiberdi

ASTANA. KAZINFORM - Shaıbaly hokkeıden Qazaqstan jastar quramasy álem chempıonatyndaǵy úshinshi oıynyn Slovakııaǵa qarsy ótkizdi.

Bul oıynda qazaqstandyq jastar qarsylasyna tegeýrindi qarsylyq qarsylyq kórsetti.

Slovakııalyq hokkeıshiler osal emes. Olar alǵashqy mınýttan tizgindi óz qolyna alýǵa tyrysty.
Birinshi kezeńde Slovakııa hokkeıshileri úsh shaıba engizip úlgerdi. Ekinshi kezeńde oǵan Artýr Gross pen Asanálı Sárkenov eki golmen jaýap qatty. Odan keıin qarsylas qurama taǵy bir márte kózge tússe, Dáýlet Núrkenov jáne Kırıll Lıapýnov tarazy basyn teńestirdi.

Negizgi kezeń 4:4 esebimen teń aıaqtalyp, oıyn overtaımǵa ulasty. Overtaımda slovakııalyq hokkeıshiler jeńis shaıbasyn soǵyp ketti. Osylaısha qarsylasyna 4:5 esebimen ese jibergen qazaqstandyq hokkeıshiler atalǵan týrnırdegi alǵashqy upaıyna ıe boldy.

Endi qazaqstandyq hokkeıshiler aldaǵy oıynyn búgin, 31 jeltoqsanda saǵat 22:00-de Shveıtsarııaǵa qarsy ótkizedi.

Dúbirli doda 26 jeltoqsan men 5 qańtar aralyǵynda Kanada astanasy Ottava qalasynda ótip jatyr. 

Qazaqstandyq hokkeıshiler B tobynda Shvetsııa, Chehııa, Shveıtsarııa, Slovakııa quramalarymen synǵa túsedi.

Aıta ketsek, budan buryn hokkeıden Qazaqstan jastar quramasy Slovakııaǵa 0:8, Chehııaǵa 0:14 esebimen oısyraı jeńilgen bolatyn.