Shaıbaly hokkeıden ÁCh: Qazaqstan quramasynyń oıyndary qaı telearnadan kórsetiledi
ASTANA. KAZINFORM - Shaıbaly hokkeıden Qazaqstan quramasynyń 2024 jylǵy álem chempıonaty elıtalyq dıvızıondaǵy oıyndaryn qazaqstandyq qaı telearnanyń kórsetetini belgili boldy.
Álem chempıonaty 10-26 mamyr aralyǵynda Chehııanyń Praga jáne Ostrava qalalarynda ótedi. Toptyq kezeńde ulttyq qurama AQSh, Germanııa, Shvetsııa, Slovakııa, Latvııa, Frantsııa jáne Polshamen synǵa túsedi.
Qazaqstan quramasynyń qatysýymen ótetin oıyndar «Qazsport» telearnasynan tikeleı efırde kórsetiledi.
Qazaqstan quramasynyń oıyn kestesi
11 mamyr. 15.20. Qazaqstan - Frantsııa
12 mamyr. 15.20. Qazaqstan - Slovakııa
14 mamyr. 19.20. Qazaqstan - Latvııa
16 mamyr. 19.20. Qazaqstan - Shvetsııa
17 mamyr. 19.20. Qazaqstan - Germanııa
19 mamyr. 19.20. Qazaqstan - AQSh
20 mamyr. 23.20. Qazaqstan - Polsha
Eske salsaq, ulttyq qurama elordada ótken Qazaqstan Hockey Open týrnırinde Reseıge 0:1, Belarýske overtaımda 4:5 esebimen jeńildi.
El quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn. Oqý-jattyǵý jıynyna sheteldik jáne otandyq klýbtarda oıyn kórsetetin hokkeıshiler shaqyrý alǵan.
Alǵashqy oıynyn Qazaqstan quramasy 11 mamyrda Frantsııa quramasyna qarsy ótkizedi.
