Shaıbaly hokkeıden ÁCh: Qazaqstan áıelder quramasy Meksıkany jeńdi

ASTANA. KAZINFORM -  Shaıbaly hokkeıden Qazaqstan áıelder quramasy ekinshi dıvızıonnyń A tobynda alǵashqy oıynyn ótkizdi

Bul oıyndar Andorra memleketinde 7-13 sáýir aralyǵynda ótkiziledi. Kezdesý barysynda qazaqstandyq hokkeıshiler qarsylasynan 4:2 esebimen basym tústi. Qazaqstandyq hokkeıshiler birinshi dıvızıonǵa beriletin jalǵyz joldamany Belgııa, Ispanııa, Islandııa, Taıpeı jáne Meksıka quramalarymen sheberlik baıqasady.

Qazaqstan quramasynyń aldaǵy oıyn kestesi:

8 sáýir. 17:00. Qazaqstan — Taıpeı

10 sáýir. 17:00. Qazaqstan — Islandııa

11 sáýir. 20:30. Belgııa — Qazaqstan

14 sáýir. 00:00. Ispanııa — Qazaqstan.

Qazaqstandyq hokkeıshiler byltyr Ońtústik Koreıanyń Sývon qalasynda birinshi dıvızıonnyń V tobynda synǵa tústi.

Barlyq oıynda jeńilip, bir satyǵa tómen dıvızıonǵa tómendedi.

Aıta ketsek, Qazaqstan áıelder quramasy 1996 jyldan beri halyqaralyq jarystarǵa turaqty qatysyp kele jatyr. Osy aralyqta qysqy Azııa oıyndarynda 3 márte chempıon atansa, taǵy 3 ret qola júldege ıe bolǵan. Al 2002 jyly AQSh-tyń Solt-Leık-Sıtı qalasyndaǵy aq Olımpıadada baq synap, 8-satydan kóringen.