Shaıbaly hokkeıden ACh: Qazaqstan áıelder quramasy qola aldy

ASTANA. KAZINFORM – Shaıbaly hokkeıden Azııa chempıonatynda Qazaqstan áıelder quramasy qola júlde aldy.

Qazaqstandyq hokkeıshiler úshinshi oıynda Ońtústik Koreıa quramasymen kezdesti. Qarsylas bizdiń quramamen birge birinshi dıvızıonnyń B tobynda synǵa túsip júr. Sondyqtan kezdesý barysynda quramalar jeńiske jetýge bar kúshin saldy.

Kezdesý barysynda qazaqstandyq hokkeıshiler ekinshi kezeńniń sońyna deıin úsh gol aıyrmasymen basym bolyp turdy. Alaıda úshinshi kezeńde qarsylastar tarazy basyn teńestirip ketti. Osylaısha kezdesý 4:4 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtten qazaqstandyq Orazbaeva soqqan gol quramaǵa jeńis alyp keldi.

Aıta ketsek, el quramasy buǵan deıin Qytaıdan 0:5, Japonııadan 0:8 esebimen jeńilip qaldy. 

Qurlyqtyq doda 31 qazan men 3 qarasha aralyǵynda Qytaı astanasy Beıjiń qalasynda ótti.

Qazaqstan áıelder quramasy oıynshylarynyń tizimi:

Qaqpashylar: Arına Şekolova («Tomırıs», Astana), Polına Govtva («Aısulý», Almaty)

Qorǵaýshylar: ıÝlııa Býtorına, Aleksandra Voronova, Darııa Moldabaı (barlyǵy - «Tomırıs», Astana), Katrın Meskını, Polına ıAkovleva (ekeýi - «Torpedo», Óskemen) Aıda Oljabaeva, Anna Pıatkova, Madına Tursynova (barlyǵy - «Aısulý», Almaty)

Shabýylshylar: Malıka Aldabergenova, Pernesh Ashımova, Alına Ivanchenko, Tatıana Koroleva, Larısa Svırıdova (barlyǵy – «Aısulý»), Sofııa Zýbkova, Dılnaz Saıahatqyzy, Mýnıra Saıahaqkyzy (barlyǵy – «Torpedo»), Ekaterına Kýtsenko, Anastasııa Orazbaeva, Nadejda Fılımonova, Aleksanda Shegaı (barlyǵy – «Tomırıs»).