Shaıbaly hokkeıden ÁCh: Qazaqstan áıelder quramasy birinshi dıvızıonǵa shyqty

ASTANA. KAZINFORM - Shaıbaly hokkeıden Qazaqstan áıelder quramasy aldaǵy jyly birinshi dıvızıonnyń V tobynda synǵa túsýge múmkindik aldy.

7 sáýirden bastap Andorra memleketinde ekinshi dıvızıonnyń A tobynda oıyndar ótkizildi. Qazaqstandyq hokkeıshiler Belgııa, Meksıka, Taıvan jáne Islandııamen jalǵyz joldamany sarapqa saldy.

Alǵashqy tórt týrda el quramasy Belgııany 9:2, Meksıkany 4:2, Taıvandy 3:0, Islandııany 7:2 esebimen tize búktirdi.

Sheshýshi oıyn Qazaqstan jáne Ispanııa quramalary arasynda ótti. Eki qurama da buǵan deıin birde-bir márte jeńilip kórmegen edi.

Bul oıynda qazaqstandyq hokkeıshiler senimdi oıyn kórsetti. Nátıjesinde qarsylasynan 5:3 esebimen basym tústi.

Qazaqstan - Ispanııa - 5:3 (1:1, 1:2, 3:0)

0:1 - 09:58 - Hımenes (Fernandes, Mýnos)
1:1 - 10:06 - Svırıdova (Aldabergenova)
1:2 - 27:48 - Hımenes (Mýnos, Fernandes)
2:2 - 33:48 - Orazbaeva
2:3 - 39:48 - Mýnos (Ohare)
3:3 - 41:41 - Orazbaeva (Saıahatqyzy M.)
4:3 - 59:22 - Shegaı
5:3 - 59:46 - Áshimova