Shaxandaǵy úıdiń ot jaǵýshysy áli tabylǵan joq - Qasymov
ASTANA. QazAqparat - Úkimettiń búgingi otyrysynan keıin jýrnalısterge suxbat bergen QR Іshki ister mınıstri Qalmuxambet Qasymov Shaxandaǵy jylý qazandyǵy jarylǵan úıdiń ot jaǵýshysy áli tabylmaı otyrǵanyn jetkizdi, dep xabarlaıdy QazAqparat tilshisi.
Mınıstrdiń aıtýynsha, búginde atalǵan oqıǵa boıynsha qylmystyq is tergelip jatyr. Tergeý kezinde 1997 jyldan beri Shaxandaǵy 117 úıdiń ortalyqtandyrylǵan jylýsyz qalǵany anyqtaldy. Osyǵan baılanysty kent turǵyndaryna jylý máselesin ózdigimen sheshýge týra keldi. Osylaısha, 97 úıde jaı peshter ornatylsa, 17 besqabatty turǵyn úıde avtonomdy jylytý qazandyqtary qoıylǵan bolatyn. Sonyń ishinde 14 úıdiń qazandyqtary jertólede ornalasqan.
«Bir sheti opyrylyp qalǵan úıdiń qazandyǵy da 97-shi jyly ornatylǵan edi. 2004 jyly turǵyndardyń esebinen jańa qazandyq qoıyldy. Sol kezde adamdar tórt ot jaǵýshyny jaldaǵan. Qazandyqtyń shekti temperatýrasy - 95 gradýs. Odan asyp ketse, jarylys bolady. Sol kúni jaryq óship qaldy. Sonyń saldarynan qysym kóterilip, qazandyq jarylǵan», - deıdi Q.Qasymov.
Eske sala ketsek, 1 qańtar kúni 22 saǵat 40 mınýttar shamasynda Qaraǵandy oblysynyń Tótenshe jaǵdaılar departamentine Shahan kentinde kópqabatty úıdiń qulaǵany jóninde arnaıy habar kelip túsken . Oqıǵa ornynan tótenshe jaǵdaılar qyzmetiniń kúsh qurylymdary men arnaıy tehnıkalary jóneltilip, turǵyndardy evakýatsııalaý jumystary júrgizildi.
Qıraǵan úıdiń úıindilerinen 9 adamnyń máıiti tabyldy. Olardyń úsheýi er adam, úsheýi áıel adam, taǵy úsheýi balalar.
Qıraǵan úıge qatysty materıal QR QK 292-baby 3-bóligi boıynsha biryńǵaı sot aldy tergeý tizilimine tirkeldi.
Qulaǵan úı 1987 jyly salynǵan. Ákimdiktiń aqparatyna sáıkes úıde 118 adam turǵan. Qulaǵan kireberiste 25 turǵyn bolǵan.
Sonymen qatar, 4 qańtarda qulaǵan úıde kezekshi bolǵan ot jaǵýshyǵa izdeý jarııalandy .
