Shavkat Rahmonovtyń UFC-degi alǵashqy jekpe-jegi pandemııaǵa qatysty ótpeıtin boldy
ALMATY. QazAqparat – Qazaqstandyq sportshy Shavkat Rahmonovtyń UFC-degi alǵashqy jekpe-jegi pandemııaǵa qatysty ótpeıtin boldy. Bul týraly onyń menedjeri Saıat Ábdirahmanov málim etti, dep habarlaıdy QazAqparat.
«Ókinishke oraı, vırýsqa baılanysty Londondaǵy jarys AQSh-qa aýystyrylady. Shavkattyń jumys vızasy bolmaǵandyqtan, onyń jekpe-jegi ótkizilmeıtin boldy. Bul týraly maǵan bir saǵat buryn habarlady, al Shavkat ony áýejaıda bolǵanda estigen», - dep jazdy Instagram-daǵy paraqshasynda Ábdirahmanov.
Eske sala keteıik, UFC-men ótken jyldyń jazynda kelisimshartqa qol qoıǵan alǵashqy qazaqstandyq jekpe-jek sheberiniń birinshi aıqasy 21 naýryz kuni Londonda Fight Night 171 aıasynda ótýi tıis bolǵan. Onyń qarsylasy polshalyq Bartosh Fabınskı edi.
