Shavkat Rahmonovtyń kelesi jekpe-jegi qashan ótýi múmkin
ASTANA. KAZINFORM — UFC-de birde-bir ret jeńilmegen qazaqstandyq sportshy Shavkat Rahmonov (19-0) ekvadorlyq Maıkl Moraleske (19-0) qarsy jekpe-jegin 2027 jyldyń qańtarynda ótkizýi múmkin, dep habarlaıdy Sports.kz.
— Shavkat Rahmonov áleýmettik jelidegi paraqshasynda eki vıdeo jarııalady. Birinshisinde «19-0 VS 19-0», al ekinshisinde Órmekshi adamnyń emodzıimen birge «2027» degen jazý bolǵan. Osyǵan baılanysty Rahmonov pen Maıkl Morales arasyndaǵy jekpe-jektiń 2027 jyldyń qańtar nemese aqpan aıynda ótýi múmkin degen yqtımaldyq arta tústi. Jaqynda Morales tıtýl úshin jekpe-jeginiń aldynda Rahmonovty «dıvızıonnyń sońǵy bastyǵy» dep ataǵan, — dep jazdy H áleýmettik jelisindegi Agent MMA akkaýnty.
Rahmonov sońǵy ret oktagonǵa 2024 jylǵy 7 jeltoqsanda AQSh-tyń Nevada shtatyndaǵy Las-Vegasta ótken UFC 310 týrnırinde shyǵyp, ırlandııalyq Ien Machado Gerrıdi jeńgen bolatyn.
UFC-diń jartylaı orta salmaqtaǵy reıtınginde úshinshi orynda turǵan Morales sońǵy jekpe-jegin 2025 jylǵy 15 qarashada Nıý-Iorkte ótken UFC 322 týrnırinde ótkizdi. Ol amerıkalyq Shon Bredıdi birinshi raýndta nokaýtqa túsirdi.
Buǵan deıin Shavkat Rahmonov bokstan álem chempıony Sanjar Táshkenbaımen sparrıng ótkizgen bolatyn.
