Shavkat Rahmonovtyń kelesi qarsylasy kim bolýy múmkin

ASTANA. KAZINFORM – DAR Team komandasynyń bas bapkeri Edýard Bazrov qazaqstandyq faıter Shavkat Rahmonovtyń kelesi qarsylasy kim bolýy múmkin degen suraqqa jaýap berdi, dep habarlaıdy Betonmobile.ru.

«Ázirge Shavkatqa qatysty naqty eshteńe aıta almaımyn. Biz kelesi jylǵa daıyndalyp jatyrmyz. Kelesi qarsylas retinde birneshe nusqa bar. UFC bul máselelerge óz kózqarasymen qaraıdy. Kórermiz, qalaı bolatynyn. Bastysy — biz jekpe-jekke daıyn bolýymyz kerek», — dedi Edýard Bazrov.

Ol jartylaı orta salmaqta óte myqty sportshylar kóp ekenin de alǵa tartty.

«Mysaly, Shon Bredı, sondaı-aq Ýsman, Belal, Ien Gerrı, Baklı bar. Bir óte kúshti kamerýndyq jigit bar, esimin umytyp turmyn, ol da qaýipti. Uıym kimdi usynatynyn kóremiz, biraq kez kelgen qarsylas biz úshin qyzyqty bolady. Óıtkeni jartylaı orta salmaq — eń básekeli dıvızıon. Men ataǵan kez kelgen sportshy chempıon bola alady», — dep tolyqtyrdy sózin bas bapker.

Aıta keteıik, buǵan deıin Shavkat Rahmonovtyń UFC-diń bedeldi reıtınginen shyǵarylǵany habarlandy.