Shavkat Rahmonovtyń qazirgi jaǵdaıy qalaı

ASTANA. KAZINFORM – DAR Team komandasynyń bas bapkeri Edýard Bazrov shákirti Shavkat Rahmonovtyń fızıkalyq jáne psıhologııalyq jaǵdaıy týraly aıtty, dep habarlaıdy Sports.kz.

Bapkerdiń sózinshe, sportshynyń jalpy jaǵdaıy qalypty, alaıda ázirge jattyǵýǵa ruqsat berilmegen.

– Shavkattyń fızıkalyq jáne emotsııalyq jaǵdaıy qalypty. Biraq ol ázirge múlde jattyǵa almaıdy. Qazir tek aıaǵyn emdeýmen aınalysyp jatyr. Qalpyna keltirý protsedýralary men reabılıtatsııadan ótýde. Qandaı da bir jattyǵý protsesine qatysýǵa ázirge usynys joq, – dedi Edýard Bazrov.

Qańtar aıynyń sońynda Shavkatqa tizesine taǵy bir operatsııa jasalǵany belgili boldy. Soǵan baılanysty onyń oktagonǵa oralý merzimi taǵy 10 aıǵa shegerildi.

Qazirgi tańda Rahmonovtyń jekpe-jeksiz júrgen ýaqyty 1 jyl 2 aıdy quraıdy.

Al yqtımal oralý sátine deıin bul merzim shamamen eki jylǵa jýyqtaıdy.

Eske salaıyq, Shavkattyń sońǵy jekpe-jegi 2024 jylǵy jeltoqsanda ótti. Ol kezde qazaqstandyq sportshy tóreshiler sheshimimen Ien Gerrıdi jeńgen bolatyn. Qazirgi ýaqytta Shavkat UFC reıtınginen ýaqytsha shyǵarylǵan.

Buǵan deıin Tarazda Shavkat Rahmonovtyń zaıybyna qatysty sot qaraýy bastalǵany habarlandy.