Shavkat Rahmonovty Beıjińde qazaq stýdentteri «qorshap» aldy

BEIJІŃ. KAZINFORM – Qytaıdaǵy Qazaqstannyń týrızm jylynyń resmı ashylý rásimine kelgen UFC uıymynda óner kórsetetin tanymal qazaqstandyq faıter Shavkat Rahmonovty Beıjińde oqyp jatqan qandas stýdentter qonaqúıdiń kireberisinde «qorshap» aldy. Olar sportshydan qoltańba surap, onymen estelik sýretke tústi. 

Qytaı astanasynda ótip jatqan is-sharanyń ashylý saltanatyna Shavkat Rahmonovtan bólek  Olımpıada chempıony Serik Sápıev pen Olımpıada júldegeri Qanat Islam da kelgen bolatyn.

Aıta keteıik, 28-29 naýryz aralyǵynda Beıjińde Qytaıdaǵy Qazaqstan týrızmi jylynyń resmı ashylý saltanaty ótedi. Osyǵan oraı, Qazaqstannan Beıjińge 600-ge jýyq arnaıy delegatsııa ushyp kelgen bolatyn. 

Eske salsaq, tanymal boksshy Qanat Islam Qytaıdaǵy Qazaqstannyń týrızm jylynyń ashylý rásiminiń aldynda Kazinform tilshisine suhbat bergen bolatyn.