Shavkat Rahmonov jeltoqsan aıynda chempıondyq ataǵy úshin kúresýi múmkin
ASTANA.KAZINFORM — Jeńilmegen qazaqstandyq faıter Shavkat Rahmonovtyń (18-0) Dar Pro Team komandasy Instagram-daǵy resmı akkaýntynda sportshynyń chempıondyq jekpe-jegi týraly málimdeme jasady. Bul týraly Sport Plus Qazaqstan jazdy.
Qazirgi ýaqytta «Nomad» jartylaı orta salmaq dárejesinde (77 kılogrammǵa deıin) uıymnyń úzdik jaýyngerleri reıtınginde úshinshi orynda tur.
Rahmonovtyń ústinde belbeýdiń burynǵy ıeleri Leon Edvards pen Kamarý Ýsman ǵana tur. UFC-diń qazirgi chempıony – Belal Muhammed, ol buǵan deıin oktagondy Shavkatpen bólisýge daıyn ekenin bildirdi.
Dar Pro Team jýrnalıst Marsel Dorftyń aqparatyna silteme jasaı otyryp, qazaqstandyq sportshy bıyl jeltoqsan aıynda chempıondyq ataǵy úshin kúresýi múmkin dep málimdedi.
Alaıda komanda sonymen birge Muhammed pen Rahmonovtyń jazdan beri bir-birin jekpe-jekke shaqyrǵanyn, biraq eki jaqtyń menedjerleri áli kelissóz júrgizbegenin atap ótti.
Esterińizge sala keteıik, buǵan deıin UFC chempıony Shavkat Rahmonovtyń menedjeri Saıat Ábdirahmanov sportshy óziniń kelesi jekpe-jegin lıgada ótkizýdi josparlaǵanyn habarlady dep jazǵan bolatynbyz.
