Shavkat Rahmonov UFC reıtınginiń TOP-úshtigine endi
Jeńilip kórmegen qazaqstandyq faıter Shavkat Rahmonov UFC-diń jartylaı orta salmaq sanatynda reıtıngin jaqsartty. Kazinform agenttigi bul týraly Sports.kz portalyna silteme jasap habarlaıdy.
Dıvızıonnyń jańartylǵan tiziminde «Nomad» laqap atymen tanymal qazaqstandyq sportshy úshinshi orynda tur. Onyń aldynda Belal Muhammad (2-oryn), Kamarý Ýsman (1-oryn) jáne chempıon Leon Edvards ornalasqan. Kolbı Kovıngton besinshi orynǵa syrǵydy.
Eske sala ketsek, ótken demalys kúnderi Las-Vegastaǵy (AQSh) T-Mobile arenasynda ótken UFC 296 týrnırinde Shavkat Rahmonov ekinshi raýndta amerıkalyq Stıven Tompsondy tunshyqtyrý ádisimen jeńdi. Keshtiń basty aıqasynda Leon Edvards Kolbı Kovıngtondy tóreshilerdiń biraýyzdan qabyldaǵan sheshimimen utty.
Keıin Sh.Rahmonov pen onyń qarsylasynyń týrnırdegi tabysy jarııa etildi.
