Shavkat Rahmonov UFC-degi kóshbasshylyǵynan aıyryldy
ASTANA. QazAqparat - Qazaqstandyq aralas jekpe-jek sheberi Shavkat Rahmonov (17-0) merziminen buryn qol jetkizgen jeńis sany boıynsha qazirgi UFC faıterleri arasynda endi kósh bastap turǵan joq, dep habarlaıdy QazAqparat Sports.kz portalyna silteme jasap.
Buǵan deıin Rahmonov birinshi orynda turdy – ol qatarynan bes ret jeńiske jetken, biraq qazir ony reseılik faıter Sergeı Pavlovıch (18-1) basyp ozdy.
Ol qatarynan alty márte aıqasqa shyǵyp, altynshy jekpe-jeginde merziminen buryn jeńimpaz atandy, bul rette ol barlyq jeńisterine birinshi raýndta-aq qol jetkizgen.
Shavkat Rahmonovqa kelsek, ol UFC-degi bes jekpe-jeginde Aleks Olıveıra (24-13-1), Mıshel Prazerıs (27-4), Karlston Harrıs (17-5), Nıl Megnı (27-10) jáne Djeff Nıldi (15-5) jeńgen.
Rahmonov UFC-diń jartylaı orta salmaqtaǵy eń perspektıvaly sportshylardyń biri sanalady.
Buǵan deıin Shavkat Rahmonovtyń ápkesi Sora Rahmonovanyń NAIZA 51 týrnırinde óner kórsetip, onda reseılik chempıon Valerııa Karygınamen judyryqtasatyny habarlanǵan bolatyn.
