Shavkat Rahmonov UFC-degi besinshi jeńisinen keıin elge oraldy

ALMATY. QazAqparat – Jeńilip kórmegen qazaqstandyq jekpe-jek faıteri Shavkat Rahmonov (17-0) UFC-degi besinshi jeńisinen keıin Almatyǵa keldi, dep habarlaıdy QazAqparat Sports.kz-ke silteme jasap.

Almaty áýejaıynda Rahmonovty kóptegen jankúıerleri men jýrnalıster qurmetpen qarsy aldy.

Dar Pro Team Instagram paraqshasynda Shavkattyń kelgen sátinen túsirilgen vıdeo jarııalandy.

Esterińizge sala keteıik, 5 naýryz kúni tańerteń Las-Vegasta (Nevada shtaty, AQSh) ótken UFC 285 týrnırinde Shavkat Rahmonov amerıkalyq Djeff Nıldi (15-5) býyndyrý tásilimen jeńdi.

Qazaqstandyq úshin bul mansabyndaǵy 17-shi jeńis boldy, sondaı-aq, ol búkil jekpe-jekterin merziminen buryn aıaqtaǵan.

Jartylaı orta salmaqtaǵy reıtıngte Rahmonov altynshy orynǵa kóterildi.