Shavkat Rahmonov bapkerine qymbat kólik syılady
ASTANA. KAZINFORM – Jeńilip kórmegen qazaqstandyq faıter Shavkat Rahmonov (18-0) jattyqtyrýshysy Baıan Janǵalovqa kólik syıǵa tartty. Bul týraly Sports.kz. jazdy.
Shavkat atalǵan kólikti tizgindep baryp, kiltin birden trenerine tabystaǵan.
Bylǵary qolǵap sheberi Shavkat Rahmonov treneri Baıan Janǵalovtyń jetekshiliginde MMA boıynsha álem chempıony atansa, M-1 Global lıgasynda chempıon tıtýlyn jeńip alǵanyn sondaı-aq UFC alańyna shyǵa bastaǵanyn eske salamyz.
Dıvızıonnyń jańartylǵan tiziminde «Nomad» laqap atymen tanymal qazaqstandyq sportshy úshinshi orynda tur. Onyń aldynda Belal Muhammad (2-oryn), Kamarý Ýsman (1-oryn) jáne chempıon Leon Edvards ornalasqan. Kolbı Kovıngton besinshi orynǵa syrǵydy.
Eske sala ketsek, buǵan deıin Las-Vegastaǵy (AQSh) T-Mobile arenasynda ótken UFC 296 týrnırinde Shavkat Rahmonov ekinshi raýndta amerıkalyq Stıven Tompsondy tunshyqtyrý ádisimen jeńdi. Keshtiń basty aıqasynda Leon Edvards Kolbı Kovıngtondy tóreshilerdiń biraýyzdan qabyldaǵan sheshimimen utty.
Jeńilip kórmegen qazaqstandyq faıter Shavkat Rahmonov (18-0) óz ornyn saqtap qalǵanyn jazǵan bolatynbyz. Ol búginde «Nomad» úzdik úshtikti túıindep tur.
