Shavkat Rahmonov Pavlodar oblysynyń qurmetti qonaǵy boldy
Oblys ákimi Asaıyn Baıhanov oblys ákimdiginde tanymal sportshymen kezdesip, ony sońǵy jekpe-jektegi áserli jeńisimen quttyqtady. Ákim ataqty qazaqstandyqqa joǵary jetistikteri úshin alǵys aıtyp, halyqaralyq arenada el namysyn qorǵaý ońaı emes ekenin atap ótti. Sonymen birge, ol sportshyǵa jarqyn jeńister men basty maqsat - UFC chempıondyq belbeýin jeńip alýyn tiledi.
Óz kezeginde Shavkat Rahmonov ózine nazar aýdaryp, kezdeskeni úshin alǵysyn bildirip, jankúıerlerdi aldaǵy ýaqytta da álemdik alańdarda jeńisterimen qýantýǵa tyrysatynyna ýáde berdi.
Pavlodarda Shavkat Rahmonov «Baıantaý» sport saraıy men Olımpıadalyq rezerv mektebiniń tárbıelenýshilerimen kezdesti. Ol jas sportshylarǵa erik-jiger, fızıkalyq jáne rýhanı kúsh-qýat, eń bastysy jaqsy oqyp, árqashan bilimderin tolyqtyrýlaryn tiledi.