Shavkat Rahmonov on jyldan keıin GGG-di basyp ozdy

Aralas jekpe-jek sheberi Shavkat Rahmonov amerıkalyq eBay.com onlaın-aýktsıonynyń nusqasy boıynsha Qazaqstandaǵy eń kóp satylymǵa ıe sportshy atandy. Kazinform bul týraly  Sports.kz portalyna silteme jasap habarlaıdy.  

Búginde tanymal ınternet-resýrs saıtynda Shavkat Rahmonovtyń esimimen baılanysty 874 lot satylymǵa qoıylǵan. Osylaısha ol sońǵy onjyldyqtaǵy turaqty kóshbasshy Gennadıı Golovkındi basyp ozdy. 

Álemde GGG-ge degen qyzyǵýshylyq bara-bara azaıyp barady. Materıal jarııalanǵan kezde amerıkalyq onlaın-aýktsıonda qaraǵandylyq sportshynyń aty-jóni kórsetilgen 276 lot satyldy. Olardyń ishindegi eń qymbaty – burynǵy chempıonnyń qoltańbasy bar boks qolǵaptarynyń kóterme saýdasy (20 dana). Saýdadaǵy baǵasy – $1 500. 

Al UFC faıteriniń esimimen baılanysty eń qymbat lot – saýda kartasy. Beıkersfıldten (AQSh) kelgen satýshy ol úshin $2 950 surady.