Shavkat Rahmonov negizgi jekpe-jegi aldynda qarsylasymen kóz túıistirdi
ASTANA. QazAqparat – UFC jartylaı orta salmaǵyndaǵy qazaqstandyq sportshy Shavkat Rahmonov 5 naýryz kúni tańda Las-Vegastaǵy UFC 285 týrnıriniń negizgi kardynda amerıkalyq Djeff Nılmen jekpe-jekke shyǵady, dep habarlaıdy QazAqparat Sports.kz portalyna silteme jasap.
Jekpe-jek aldyndaǵy aptada olar baspasóz konferentsııasyn ótkizip, birinshi ret betpe-bet jolyqty.
UFC reıtıngisiniń 9-ornynda turǵan Shavkat Rahmonov minsiz rekord ıegeri. Ol 16 ret jeńiske jetip, múldem jeńilmegen, oǵan qosa barlyq jekpe-jegi merziminen buryn aıaqtalǵan. «Nomad» UFC-de tórt aıqas ótkizdi.
Djeff Nılge keler bolsaq, onyń qorjynynda 15 jeńis pen 4 jeńilis bar. Ol dıvızıon rangi týraly kestede 7-orynda tur.
