Shavkat Rahmonov Islam Mahachevti qalaı jeńýi múmkin ekenin aıtty
ASTANA. KAZINFORM – Qazaqstandyq UFC faıteri Shavkat Rahmonov jartylaı orta salmaqtaǵy chempıon Islam Mahachevke qarsy jekpe-jekte óziniń basty artyqshylyǵy nede ekenin aıtty, dep habarlaıdy Sports.kz Alfglobal-ǵa silteme jasap.
Suhbat barysynda Rahmonovtan Islam Mahachev úshin eń qaýipti qarsylas ózi me degen suraq qoıyldy. Qazaqstandyq sportshy buǵan oń jaýap berdi.
– Meniń oıymsha, ıá. Ony neniń esebinen jeńe alamyn? Tik turyp aıqasýda men Islamnan myqtymyn, – dedi Shavkat Rahmonov.
Qazaqstandyq faıter sońǵy ret 2024 jyldyń jeltoqsanynda Las-Vegasta ótken UFC 310 týrnırinde oktagonǵa shyqqan. Ol ırlandııalyq Ien Gerrıdi jeńgen edi.
Sodan beri Rahmonov sol jaq tizesindegi jaraqatyna baılanysty jekpe-jek ótkizgen joq. Jaraqat birneshe operatsııany qajet etip, ońaltý kezinde qaıta asqynǵan.
Al Islam Mahachev sońǵy jekpe-jegin bıyl 15 tamyzda AQSh-tyń Fıladelfııa qalasynda ótken UFC 330 týrnırinde ótkizdi. Ol jartylaı orta salmaqtaǵy chempıondyq belbeýin qorǵap, Ien Gerrıdi tóreshilerdiń biraýyzdan shyǵarǵan sheshimimen jeńdi.
Aıta keteıik, buǵan deıin Rahmonov pen Mahachev UFC jekpe-jegine shyǵýy múmkin ekeni habarlanǵan bolatyn.
