Shavkat Rahmonov - Djeff Nıl jekpe-jeginiń statıstıkasy jarııalandy
ASTANA. QazAqparat - UFC saıty qazaqstandyq Shavkat Rahmonov (17-0) pen amerıkandyq Djeff Nıl (15-5) jekpe-jeginiń statıstıkasyn jarııalady, dep habarlaıdy QazAqparat tilshisi.
Búgin ótken jekpe-jekte Rahmonov qarsylasyn qylqyndyrý ádisimen tize búktirdi.
Onyń kórsetkishi - 186-145. Al qazaqstandyq sportshy 120 soqqyny qarsylasyna dál tıgizse, 69-yn ózine jiberip aldy (63%-47%).
Mańyzdy soqqylar jóninen de Rahmonov alda boldy - 179-145 (dál soqqy - 113-69). Ol tórt márte teıkdaýn áreketin jasady, olardyń eshqaısysyn da naqty nátıjege alǵan joq. Al baqylaý ýaqyty - 3:43 - 1:12, qazaqstandyqtyǵ paıdasynda.
Osylaısha Shavkat Rahmonov kásipqoı mansabynda on jetinshi jeńisine qol jetkizdi. Onyń ishinde beseýinde UFC boıynsha tirkeldi.
Eske salsaq, budan buryn Shavkat Rahmonov aldaǵy qarsylastary týraly aıtty.
