Shavkat Rahmonov ІІ dárejeli «Barys» ordenimen marapattaldy

ASTANA. KAZINFORM — ASTANA. KAZINFORM — Prezıdent Respýblıka kúnine arnalǵan saltanatty jıynda dańqty sportshy Shavkat Rahmonovty ІІ dárejeli «Barys» ordenimen marapattady.  Bul týraly Aqorda málim etti. 

— Ol elimizdiń atyn shet memleketterge tanytyp, mereıin ústem etý jolynda ter tógip júr. Bıyl Qazaqstan halqy Assambleıasynyń qurylǵanyna 30 jyl toldy. Assambleıa — berekeli birligimizdiń myzǵymas nyshany, teńdesi joq biregeı qurylym. Onyń músheleri eldegi turaqtylyqty nyǵaıtý úshin aıanbaı eńbek etip júr. Al qoǵamdaǵy kelisim men yntymaqty kúsheıtý — naǵyz otanshyldyq belgisi. Men búgin elimizdegi birneshe etno-mádenı ortalyqtyń ókiline «El birligi» ordenin tabystaımyn. Mádenıet — ulttyń rýhanı derbestiginiń kepili. Sondyqtan biz ómirin óner jolyna arnaǵan qaıratkerlerge árdaıym qurmetpen qaraımyz, — dedi Prezıdent.

Búgin sondaı- aq rýhanııatymyzǵa erekshe eńbek sińirgeni úshin belgili óner maıtalmandary — Bolat Ábdilmanov, Tamaraasar Janqul, Shynar Janysbekova «Qazaqstannyń halyq ártisi» ataǵyna laıyq dep tanyldy.

Sondaı-aq mádenıet salasyn damytýǵa zor úles qosqany úshin Nına Jmerenetskaıa, Baqyt Qajybaev, Zarına Altynbaeva jáne Áıgerim Altynbek «Qazaqstannyń eńbek sińirgen qaıratkeri» ataǵyna ıe boldy.

Sondaı-aq aýyl sharýashylyǵy salasyn órkendetýge aıryqsha úles qosyp jatqan Ivan Saýerge «Qazaqstannyń eńbek sińirgen qaıratkeri» ataǵy berildi.

— Joǵary memlekettik marapattardy halqymyzdyń shynaıy yqylasy jáne syı-qurmeti dep qabyldańyzdar. Búgin árbir oblysta júzdegen laıyqty azamatymyz meniń Jarlyǵymmen joǵary memlekettik nagradamen marapattalady, — dedi Memleket basshysy.

Eske sala keteıik, búgin Respýblıka kúni qarsańynda Prezıdent bir top azamatty memlekettik nagradamen marapattady.

Prezıdent ǵylymǵa qosqan úlesi úshin memlekettik nagradalar berdi.