Shavkat Rahmonov Bellator ókili Peıdjdi jekpe-jekke shaqyrdy
ASTANA. QazAqparat – Qazaqstandyq aralas jekpe-jek sheberi Shavkat Rahmonov Bellator-dyń top-sportshysy Maıkl Peıdjben aıqasqysy keletinin bildirdi, dep habarlaıdy QazAqparat «Shredınger sporty» Telegram-arnasyna silteme jasap.
Bellator uıymynyń úzdigi – 36 jastaǵy Maıkl «Venom» Peıdj jaqynda resmı túrde UFC qataryn tolyqtyrady. Ol Bellator-dan aýysqannan keıin UFC tıtýlyna úmitker bolý úshin bir ǵana jekpe-jek ótkizgen Maıkl Chendlerdiń jolyn qaıtalaǵysy keledi.
Peıdj top-5 nemese top-10 qataryndaǵy sportshynyń birimen judyryqtasqysy keletinin aıtty. Oǵan jaýap retinde Shavkat Rahmonov «6-shy nómirge qalaı qaraısyń?» dep jazdy.
«Venomnyń» MMA-daǵy statıstıkasy – 26-2. Brıtandyq sportshy Bellator chempıondary – Logan Storlı (ýaqytsha tıtýldy aldy) men Dýglas Lımadan ǵana jeńilgen. Venom MMA-ǵa deıin kıkboksıngten álem chempıonattarynda jeńiske jetti. Al laqap atyn soqqy men karateni úılestire alatyny úshin ıelendi. Sondaı-aq ol qolǵapsyz judyryqtasyp, kásipqoı boksta bir jekpe-jek ótkizip úlgergen.
Qazaqstandyq Shavkat Rahmonov UFC reıtınginde 6-orynda tur.
