Shavkat Rahmonov aldaǵy qarsylastary týraly aıtty
ASTANA. QazAqparat - Aralas jekpe-jekten ázirge jeńilip kórmegen qazaqstandyq sportshy Shavkat Rahmonov (17-0) búgingi kezekti jeńisinen keıin aldaǵy qarsylasy jóninde pikir bildirdi, dep habarlaıdy QazAqparat tilshisi.
Qazaqstandyq sportshy búgin AQSh-tyń Las-Vegas qalasynda ótken UFC 285 aralas jekpe-jek básekesinde amerıkandyq Djeff Nıldi (15-5) qylqyndyrý ádisimen tize búktirdi.
Ol oktagondaǵy kezekti jeńisinen keıin «Kolbı Kovıngton, daıyndal, sen - kelesi qarsylassyń!» - dedi.
Rahmonov odan basqa bul jóninde orta salmaqtaǵy UFC chempıony tıtýly boıynsha Leon Edvards jáne Kamara Ýsmanmen jekepe-jek ótkizgisi keletinin aıtty. Olar jaqyn ýaqytta atalǵan belbeý boıynsha saıysqa túsedi.
