Shavkat Mırzıeev: Túrkistan – túrki áleminiń tarıhı jáne rýhanı ortalyǵy
ASTANA. KAZINFORM – Ózbekstan prezıdenti Túrki memleketteri uıymynyń Túrkistanda ótip jatqan beıresmı sammıtinde atalǵan qalanyń aıryqsha sımvoldyq mán-mańyzyna toqtaldy.
– Túrkistan – Uly Jibek jolynyń mańyzdy saýda jáne mádenı ortalyǵy. Onyń dańqty tarıhy bizdiń uly babalarymyzdyń esimimen tyǵyz baılanysty. Bul qasıetti qala – halyqtarymyzdyń birligi men yntymaqtastyǵynyń jarqyn sımvoly, - dedi ol.
Sonymen birge, Ózbekstan prezıdenti túlegen Túrkistannyń búgingi kórinisine rızashylyǵyn bildirdi.
– Qazaqstan bıliginiń óte aýqymdy jumysynyń arqasynda Túrkistannyń arhıtektýralyq beınesi túbegeıli jańǵyryp jatyr. Mundaı ózgeris bul qalany baýyrlas ulttarymyzdy baılanystyratyn rýhanı ortalyqqa aınaldyrady, - dedi ol.
Aıta keteıik, buǵan deıin Ilham Álıevtiń TMU-nyń álemdik saıasattaǵy róli kúsheıip kele jatqany jónindegi málimdemesin jarııalaǵanbyz.
