Shavkat Mırzıeev Premer-mınıstr Oljas Bektenovti qabyldady

ASTANA. KAZINFORM – Forým aıasynda Ózbekstan Respýblıkasynyń Prezıdenti Shavkat Mırzıeev Qazaqstan Respýblıkasynyń Premer-mınıstri Oljas Bektenovti qabyldady. Bul týraly Úkimettiń baspasóz qyzmeti málimdedi.

Oljas Bektenov Qazaqstan Respýblıkasynyń Prezıdenti Qasym-Jomart Toqaevtyń quttyqtaý sózi men izgi tilekterin jetkizdi. Kezdesý barysynda saýda-ekonomıkalyq, kólik-logıstıkalyq, ónerkásiptik, sý-energetıkalyq, mádenı-gýmanıtarlyq yntymaqtastyq máseleleri qaraldy.

Ózbekstan – Qazaqstannyń mańyzdy saýda seriktesi. Bıylǵy tórt aı qorytyndysy boıynsha taýar aınalymy ótken jyldyń sáıkes kezeńimen salystyrǵanda 9,4%-ǵa artyp, $1,3 mlrd-ty qurady. Eksport 15,9%-ǵa ósip, $1 mlrd-ty qurady. Negizgi qozǵaýshy kúsh ónerkásip, avtomobıl jáne aýyl sharýashylyǵy salalaryndaǵy kooperatsııa boldy.

Eske sala keteıik, buǵan deıin Úkimet basshysy Oljas Bektenov Ózbekstanǵa baratynyn jazǵan bolatynbyz.