Shavkat Mırzıeev Qazaqstannyń memleket jáne qoǵam qaıratkerlerin marapattady
ASTANA. KAZINFORM – Ózbekstan Respýblıkasynyń Prezıdenti Qazaqstannyń memleket qaıratkerlerin «Dўstlık» ordenimen marapattaý týraly jarlyqqa qol qoıdy.
Marapattar Ózbekstan Respýblıkasy men Qazaqstan Respýblıkasy arasyndaǵy ózara qurmet, senim jáne tatý kórshilik qatynastaryn nyǵaıtýǵa qosqan eleýli úles úshin berildi.
Marapattalǵandar arasynda:
Qarın Erlan Tynymbaıuly, Qazaqstan Respýblıkasynyń Memlekettik keńesshisi;
Jeldibaı Rýslan Sultanuly, Qazaqstan Respýblıkasy Prezıdentiniń ishki saıasat jáne kommýnıkatsııalar jónindegi kómekshisi;
Jumanǵarın Serik Maqashuly, Qazaqstan Respýblıkasy Premer-Mınıstriniń orynbasary;
Balaeva Aıda Ǵalymqyzy, Qazaqstan Respýblıkasynyń Mádenıet jáne aqparat mınıstri;
Atamqulov Beıbit Bákiruly, Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi;
Hashımjanov Ikram Akramuly, Qazaqstan Respýblıkasy ózbek etnomádenı birlestikteri qaýymdastyǵynyń tóraǵasy.
Syılyq olardyń eki el halyqtary arasyndaǵy kóp ǵasyrlyq dostyqty nyǵaıtýdaǵy jáne basym salalardaǵy birlesken jobalardy belsendi ilgeriletýdegi qyzmetteri úshin berildi.
