Shavkat Mırzıeev Qazaqstanǵa keldi

ASTANA. KAZINFORM — Ózbekstan Prezıdentiniń ushaǵy elorda áýejaıyna qondy. Bul týraly Úkimettiń baspasóz qyzmeti habarlady. 

Shavkat Mırzıeev «Ortalyq Azııa – Qytaı» sammıtine qatysady.

2024 jyldyń qorytyndysy boıynsha Qazaqstan men Ózbekstan arasyndaǵy taýar aınalymy 4,1 mıllıard dollar boldy.

Aıta ketelik buǵan deıin Qyrǵyzstan Prezıdenti Sadyr Japarov  pen Túrikmenstan prezıdenti Serdar Berdimuhamedov «Ortalyq Azııa – Qytaı» sammıtine qatysý úshin Qazaqstanǵa kelgen edi.

Búgin Ortalyq Azııa basshylary men Qytaı tóraǵasy yqpaldastyq máselelerin talqyǵa salady.