Shavkat Mırzıeev: Qasym-Jomart Toqaevtyń sapary ózbek-qazaq yntymaqtastyǵyna jańa serpin berdi
TAShKENT. KAZINFORM – Shavkat Mırzıeev búgingi kelissózder ekijaqty yqpaldastyqtyń keń kólemdi baǵyttaryn nyǵaıtýda mańyzdy ról atqaratynyn jetkizdi. Bul týraly Aqordanyń baspasóz qyzmeti habarlady.
— Qazaqstan Prezıdenti Qasym-Jomart Kemeluly Toqaevtyń bul sapary eki el arasyndaǵy odaqtastyq qatynastardyń deńgeıi joǵary ekenin taǵy da rastady. Atalǵan sapar bizdiń kópjosparly yntymaqtastyǵymyzdyń jańa tarıhyndaǵy aıtýly oqıǵaǵa aınaldy jáne baılanystarymyzdy arttyrýǵa tyń serpin berdi. Qol jetkizilgen ýaǵdalastyqtar men kelisimder seriktestigimizdi naqty mazmunmen tolyqtyryp, birlesken jobalardyń kókjıegin keńeıtip, baýyrlas eki eldiń damýyna berik negiz qalaıdy, — dedi Ózbekstan Prezıdenti.
Aıta ketelik Qasym-Jomart Toqaev pen Shavkat Mırzıeev qandaı qujattarǵa qol qoıǵany týraly jazǵan edik.