Shavkat Mırzıeev Tashkentte Túrki damý bankin qurýdy usyndy

Astanada ótip jatqan Túrki memleketteri uıymynyń H sammıtinde Ózbekstan Prezıdenti Shavkat Mırzıetv Tashkentte Túrki damý bankin qurýdy usyndy, dep habarlaıdy Kazinform agenttigi.

«...Kelesi kezeńde biz Túrki damý bankin qalyptastyrý boıynsha qadamdar qabyldaýymyz qajet. Biz osy qarjylyq ınstıtýtty Tashkentte qurýdy usynamyz. Úshinshiden, biz Túrki memleketteriniń saýda-sattyǵyn zertteý uıymynyń bastamasyn tolyǵymen qoldaımyz. Osy uıymnyń jumysyn durys jolǵa baǵyttaý birqatar kedergilerdi eńserýge múmkindik beredi. Onyń ishinde saýda-sattyq salasyndaǵy kedergiler, ımport pen eksporttardyń kólemin arttyrý, elektrondy damytý baǵytyndaǵy kedergilerdi joıady», - dedi ol sammıtte sóılegen sózinde

Ózbek basshysynyń sózinshe, jahandyq logıstıkalyq tizbekterdi ártaraptandyrý máselesi uıymnyń kún tártibinde erekshe oryn alady.

«Sonymen qatar biz Qytaı, Ońtústik Azııa, Eýropa arqyly ótetin dálizderdi damytýdy, kólik-logıstıka baılanystaryn tsıfrlandyrýdy qoldaımyz. Biz osy kezekte temirjol basqarmalarynyń keńesin qurýdy usynamyn. Atalǵan qurylymnyń dırektoratyn Ózbekstanda qurýdy usynamyn», - dedi Ózbekstan basshysy.

Eske salaıyq, búgin Astanada Túrki memleketteri uıymynyń H sammıti ótip jatyr. 

Jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan Premer-mınıstri men Túrikmenstan basshysy baqylaýshy eldiń basshylary retinde qatysady.

TMU sammıti «Túrki dáýiri» uranymen ótedi. 

Búgin Syrtqy ister mınıstrliginde Túrki memleketteri uıymynyń syrtqy ister mıınstrleri keńesiniń jabyq otyrysy ótti. 

Sharada QR Syrtqy ister mınıstri Murat Nurtileý Izraıl-HAMAS qaqtyǵysyndaǵy Qazaqstan ustanymyn aıtty.