Shavkat Mırzıeev saltanatty túrde ant berip, Ózbekstan Respýblıkasynyń prezıdenti qyzmetine kiristi

TAShKENT. QazAqparat - Ózbekstan Respýblıkasy Olıı Majlısi Zań shyǵarý palatasy men Senatynyń Ózbekstan Respýblıkasynyń saılanǵan prezıdentin ulyqtaý rásimine arnalǵan birlesken otyrysy ótip jatyr, dep habarlaıdy «QazAqparat» ÓzA-ǵa silteme jasap.

Shavkat Mırzıeev saltanatty túrde ant berip, Ózbekstan Respýblıkasynyń prezıdenti qyzmetine kiristi. Prezıdenttiń Joǵary belgisimen jáne týymen marapattaldy.

Osy sátte memleket basshysy retinde sóz sóılep jatyr.

Esterińizge sala keteıik, Ózbekstanda ótken jeksenbide prezıdent saılaýy ótti. Saılaýǵa tórt úmitker qatysty, onyń ishinde qazirgi prezıdent Shavkat Mırzıeev ta bar. Bul Ózbekstannyń jańa Konstıtýtsııasy kúshine engennen keıingi alǵashqy saılaý. Prezıdenttik merzimi bes jyldan jeti jylǵa uzartyldy.