Shavkat Mırzıeev Ózbekstandaǵy prezıdent saılaýynda daýys berdi

TAShKENT. QazAqparat - Ózbekstan prezıdenttigine kandıdat Shavkat Mırzıeev Tashkenttegi 59-saılaý ýchaskesinde daýys berdi, dep habarlaıdy QazAqparat tilshisi.

Shavkat Mırzıeevpen birge áıeli, balalary men nemereleri de keldi. Ol daýys bergennen keıin saılaý ýchaskesine kelgen jergilikti turǵyndarmen tildesti.

Buǵan deıin habarlaǵanymyzdaı, búgin Ózbekstanda kezekten tys prezıdent saılaýy ótip jatyr. Saǵat 11.00-degi jaǵdaı boıynsha daýys berýge saılaýshylardyń 33%-dan astamy qatysty, soǵan baılanysty saılaý ótti dep tanyldy. Saılaýǵa tórt úmitker qatysyp jatyr, onyń ishinde qazirgi prezıdent Shavkat Mırzıeev te bar. Saılaýda jeńiske jetý úshin kandıdat 50 %-dan astam daýys jınaýy kerek.