Shavkat Mırzıeev Ózbekstan Prezıdenti laýazymyna kiristi
TAShKENT. UZA - QazAqparat – Búgin Olıı Majlıs Senatynda qaıta saılanǵan Ózbekstan Prezıdenti Shavkat Mırzıeevti ulyqtaý rásimi ótti, dep habarlaıdy QazAqparat uza aqparat agenttigine silteme jasap.
Olıı Majlıs palatalarynyń Ózbekstan Respýblıkasy Prezıdentiniń ınaýgýratsııasyna arnalǵan saltanatty birlesken otyrysynda Ortalyq saılaý komıssııasynyń tóraǵasy Zaınıddın Nızomhodjaev minberge Shavkat Mırzıeevti shaqyrdy.
«Ózbekstan halqyna adal qyzmet etýge, respýblıka Konstıtýtsııasy men zańdaryn oryndaýǵa, azamattardyń quqyqtary men bostandyqtaryna kepildik berýge, Ózbekstan Respýblıkasy Prezıdentine júktelgen mindetterdi adal atqarýǵa saltanatty túrde ant etemin!», - dedi Shavkat Mırzıeev.
Ant berilgennen keıin Ózbekstannyń Memlekettik gımni oryndaldy.
OSK tóraǵasy Zaınıddın Nızamhodjaev Shavkat Mırzıeevke prezıdenttiń káýligin tabys etti.
Keıin Ózbekstan Respýblıkasynyń Prezıdenti minberde baıandama jasady.
Eske salaıyq, Ózbekstanda prezıdenttiń saılaý 24 qazanda ótti. Jeńiske 80,12% daýyspen is basyndaǵy memleket basshysy Shavkat Mırzıeev jetti.
