Shavkat Mırzıeev Qasym-Jomart Toqaevty Prezıdent laýazymyna kirisýimen quttyqtady
ASTANA. QazAqparat - Qasym-Jomart Toqaev Ózbekstan Respýblıkasynyń Prezıdenti Shavkat Mırzıeevpen telefon arqyly sóılesti, dep habarlaıdy Aqordanyń baspasóz qyzmeti.
Shavkat Mırzıeev Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, oǵan zor densaýlyq, amandyq jáne jaýapty memlekettik qyzmetine tabys tiledi.
Qasym-Jomart Toqaev quttyqtaǵany úshin Ózbekstan Prezıdentine rızashylyq bildirip, Qazaqstan men Ózbekstan arasyndaǵy eki el halyqtarynyń tatý kórshiligi men dostyǵyna negizdelgen strategııalyq seriktestik jalǵasa beretinine senim bildirdi.
Eki el kóshbasshylary bir-birin Naýryz meıramymen quttyqtady.
Memleketter basshylary Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń Qazaqstan men Ózbekstannyń qazirgi qarym-qatynastaryn qalyptastyrý jáne ony damytý jolynda erekshe ról atqarǵanyn atap ótti.
Telefon arqyly sóılesýge Ózbekstan jaǵy bastamashy boldy.
