Shaýrmadan 32 adam ýlanyp qaldy
ASTANA. QazAqparat - Kalınıngradta shaýrmamen jappaı ýlaný faktisi tirkeldi. Oblystyq ınfektsııalyq aýrýhanaǵa ýlanǵan 32 adam jetkizildi, olardyń ekeýi jasóspirim balalar, dep habarlaıdy NTV telearnasy.
Artynan belgili bolǵandaı, aýyrǵandardyń barlyǵy jeke kásipkerdiń saýda ornynan shaýrma satyp alyp jegen.
Tekseris barysynda taǵam saýdalaıtyn kásipkerdiń nysanynda sanıtarlyq zańnama talaptaryn oryndamaýdyń kóptegen faktileri anyqtalǵan.
Osyǵan baılanysty atalǵan qoǵamdyq tamaqtaný ornynyń jumysyna ýaqytsha shekteý engizildi. Qazirgi kezde ondaǵy ónimder men shıkizattarǵa zerthanalyq jumystar júrgizilýde.
Dúısenbide azamattardyń jappaı ýlanýy faktisi boıynsha materıaldar sotqa jiberilmek, dep jazady reseılik BAQ.
