Shatyr shetinde salto jasaǵan: Jelini shýlatqan aqtaýlyq balalar anyqtaldy
Áleýmettik jelide taraǵan vıdeoda jasóspirim bala salynyp jatqan kópqabatty úıdiń shatyrynyń shetinde turyp, ómirine qaýipti akrobatıkalyq qımyl jasaıdy. Muny janyndaǵy dostary vıdeoǵa túsirip turady.
Jelini shýlatqan jasóspirimderdi Aqtaý qalasy polıtsııa basqarmasynyń ıývenaldy polıtsııa qyzmetkerleri anyqtady. Olar Aqtaý qalasyndaǵy 5-synyp oqýshylary ekeni belgili bolǵan.
Mańǵystaý oblystyq Polıtsııa departamenti baspasóz qyzmetiniń habarlaýynsha, atalǵan is boıynsha ákimshilik hattama toltyrylǵan.
«Ata-analarǵa QR ÁQBtK-niń 127-baby (kámeletke tolmaǵandy tárbıeleý jáne (nemese) bilim berý, onyń quqyqtary men múddelerin qorǵaý jónindegi mindetterdi oryndamaý) boıynsha ákimshilik hattama toltyryldy. Materıaldar qala ákimdigi janyndaǵy kámeletke tolmaǵandardyń quqyqtaryn qorǵaý jónindegi komıssııaǵa jiberiledi.Ata-analarmen profılaktıkalyq áńgime ótkizildi. Qurmetti ata-analar! Bárimiz birge balalardyń qaýipsizdigin qamtamasyz etýge tıispiz», - dep atap ótti departament basshysy Baqtybaev Janarbek.